Waylima Sangun Jaya

Kham Andan Jejama

Belajakh Pubalah

Pubalah Butangguh Jama Jukhagan atau si di Tuhakon

> Petugas Penyambung Lidah

Kheji pai hani Pengikhan Bandakh Makhga Beliawan..

semangkungni Sikin dua ngilumahap ngalam pukha Jama pusikam, yu khupa khupane kindua haga pubalah pai sekhenik jama pusikam sipa daiya khia kinjuk di undangan kham ji khadu dapok dicawakon khadu nyemuka unyin, kantu bang nyaman kantu wat diantakhani si mangkung nyemuka, kekalau mak jadi ngebani kik kham ti penah dalih lapah.

sesuai khia kinjuk di waktu kham je khadu nunjuk kon jam….. jadi makhe benokhne sikindua haga  butangguh jama Pusikam haga napok kon acara kham dilom bingi sinji..khena daiya…

> Jukhagan

Na yaya (Adokne si PPL) Beliyawan.khadu nyelingakh moneh Sikindua dija atas samban pubalah pusikam tekhhadao sikindua dija sipa daiya isi samban pubalah sina jeno,  yu khupa khupane khia kinjuk di undangan kham ji khadu dapok dicawakon khadu nyemuka unyin, kantu bang nyaman kantu wat diantakhani si mangkung nyemuka, kekalau mak jadi ngebani kik kham ti penah dalih lapah.sesuai khia kinjuk di waktu kham je khadu nunjuk kon jam…..sihane pusikam.
jadi makhe benokhne Pusikam haga butangguh khetinela jama Sikindua haga napok kon acara kham dilom bingi sinji
Na yaya (Adokne si PPL) Beliyawan. Api sihaga timbal sikindua dija kik kok sangon khadu togok acarane yu Makha sia. 

3 Tanggapan to “Belajakh Pubalah”

  1. hary said

    Tali pekhatti
    Mahaf ngalampukha

    Jama pekhbatin sunyin

    Sai dunggak induh sai didoh

    Sunyin-unyinni sai wat dija

    Pebalahanni sai tuha

    Saya cococok di kelasa

    Lain ki saking haga

    Kattu sai tuha mak dija

    Sai pitokh lagi midokh

    Sai pandai mak tinakai

    Mula ya sikin dua

    sai ditunjuk cawa dija

    tabik pun ngalampukha

    sai ngukha haga segata

    segata cawa saka

    khadu lamon sai lupa

    Khaji day a pikni

    Minak-muakhi sunyinni

    Unyin-unyinni sai wat dija

    Kham khua jong muakhi

    haga ngicik pai cutik

    sanga patoh pun khua

    cawa tuppak di ajong disan

    api mak makhi khiya

    ajo tali pekhatti gelakhni

    mitcik lagi sai bisa

    kidang mak ulah dia

    kattu ya mak lagi

    atti sekhta penahanni

    jakni kham muakhi dija

    benor ni munih disan

    mulang di sikam roppok

    haga ngawawillahkon tangguh

    sanga patoh pun sinna

    haga disapa pai da ya

    tuppak lawanni cawa

    ram rua jong muari

    nyamukakon cerita

    ngehadapni ram roppok

    muakhi sai wat dija

    mittar kanjak jenganan

    wat pai da ya tanyitcing

    najin mawat tenyating

    hanjak sikam jak ija

    hanekan sekedar cutik

    kiteliyak kon di tian

    hebos serta mehaos

    sayuk serba kurang

    lain munih da ya ajong

    kinjuk cawane pantun:

    tipanton titaroton

    tilokkon mak tikeni

    mane barang tembeli

    lain da ya ki raiya

    wat induh mawat

    hanekan senna ya

    lamon macam khinci na

    rukuk dilam bukkusan

    tih kancakne gula

    kipak laju di susu

    sennalah sifat kelawan dalil

    tanda patci sikam dua

    mittar kanjak jenganan

    pudatong sai ratong

    kiriman sai mak dija

    benor ni munih disan da ya

    kik kak ya mak lagi

    tungguanni

    nabik haga butappa

    laju bukusur

    alimmu bane

    ajong di san pai da ya

    ngaji mak ngattoni

    nerima pudatong sikam sinna

    telaju di sekiman

    putit perit kegitcit

    handakulu cakak dulu

    damai ram ane punai

    mak dapok ane cotcok

    kecici lapah ngaji

    patak nawai sekula

    lapah kanjak jengan

    tuppak di kedamaian

    tehabu di kelungu

    ngalas di teratas

    ngeluppak sabahluppak

    merissa pekon kusa

    laju di terbaya

    cerabus jak tanggamus

    teliyu mid wai jelai

    tahanggayos di baros

    sembahyang pasar madang

    aru pedama suku

    sengabah sanga pekon

    kipak laju di perbatin

    sai batin sikam roppok

    haga ngawillahkon tangguh

    sanga patoh pun rua

    benorni munih disan

    mulang disikin dua

    lagi kala di nana

    jak pissan mit pindua

    bukuis butakkis

    butulak busasanda

    nyawakon mak kuwawa

    lattaran mak biasa

    min telu sampaimu pak

    ngucakkon cawa nulak

    lima nam laju pitu

    ngucakkon mawat tahu

    lattaran mak buguru

    ditimbal tian roppok

    lagi kala di nana

    ikok pisai wait pengramban kuta

    sai pandai mak tikitai

    bijaksana mak dija

    si ngong-ngon mak di pekon

    radu cakak mit darak

    sai pittor lagi midor

    si nalam lagi pedam

    perajurit mawat mit

    mula si bugu kanggu teliba di sikam dua

    cambai diri pai ne wai, hani

    helaune tutukon pai

    kak riya paku sara

    bilang pun juga cawa

    sanga patoh rua sinna

    ucak ni tian sai mak dija

    lagi kala di nana

    kuangon kon sikin dua

    cawa temondo munih

    mak rang layane kena

    ki haga nunggu di raiya

    sanggitah mawat pandai

    ngelebonkon pinakai

    adat cara jak saka

    sanggitah mawat tahu

    ngelebonkon pi ranggu

    adat cara sai radu

    ki mak ya haga jadi pilih

    jadi pekeran munih

    adat cara jak tumbai

    sai hattak sai hanggani

    sekakirane munih

    sai hatta sai hangganni

    sekakirane mingan

    mulang di sikin dua

    tekejut tekacah

    mamang hati

    sikam roppok jak ngakuk

    anak bai kutti roppok

    dibambangko anak bagas sikin dua

    lain munih haga guai gurau

    akkat mittar ngelajar

    atawa ki ya wat haga

    pik an ni sai barih

    lain da ya ki raiya

    anak bai kutti roppok sinna

    diakuk anak meranai sikam roppok

    haga guai gatti nyawa ulun tuha ni

    metudau pai da ya duduk ni

    metudau sinna lain munih ki mak dacok

    mulang di tiyuh dija

    sinji sangun jenganni

    rangni mak serta bapakni

    kanjak kala di nana

    wat pai da ya bilang bingi ulahhadan khani

    buluppat di jemahat

    tekokoh bulimban bulan

    mawat kung pai da ya

    sikam jak nyamuka kon cakha

    cakha sai patut bukena

    tattat ketutuk ne adat

    pinakai hanjak tumbai

    anak bai tulang dulun

    lain munih da ya

    ki mak kuangonkon sikin dua

    ya bangga sumba rana

    luahne panggus mamus

    lain da ya ki raiya

    mulang di sikam roppok

    lagi kala di nana

    ruwat serta meromot

    palangan liwan pura

    mulang disikin dua

    lagi kala sakano

    kekalau bingi sinji

    bingi tulus menjadi

    bingi munyaian sunyinni

    putawok-tawok ajo

    gelarne kicik tuha

    haga pai daya sikam bukenalan

    sippa pai da ya sai tutur ulun tuha

    kipak laju si tutur uppu

    apilagi ki si tutur kuari

    sai patut haga di basani

    anak butting kutti roppok

    haga munih sikam pandai

    dibilangan serta rikinanni

    pusabaian ram dija

    babai kedengan bakas

    bukuhni sikam roppok

    haga se inong-inongan so sia

    nyaman kattu lumanai

    alan dia kak nanti

    jimoh kelawan sawaini

    sikam roppok putawok-tawok

    putungga di rang laya

    atau di pa ya pok jenganni juga

    mawat kung da ya sikam roppok

    dacok se enong-enongan

    ki ya mawat kung ditunjukkonni

    muakhi sai dija

    kala debingi sinji

    alim mu ba ni adik disan pai da ya

    ngebenokh kon tangguh salah

    nyambung tangguh ki kurang

    ngurangi tangguh ki liyu

    ki nyin ya jadi patut

    Ajong

    ram rua jong muari

    haga ngicik pai da ya

    sanga patoh pun rua

    cawa tuppak di ajong disan

    api mak mari raiya

    ajo da ya tikkuk serta higuk-an ni tian roppok

    sai mungura lagi kala di jinna

    halok da ya radu pista kippak mak lestari

    hanekan sekedar cutik

    hanekan senno ki teliyak kon di hulun

    hebos serta ne haos

    sayuk seraba ni kurang

    lain munih da ya adik

    ki telok kippak mani tipanjuk

    mane barang tembeli

    lain da ya ki raiya

    injuk pattun ne hulun

    “wat gassa tepa nipis

    halok talam ya tiku

    di atas ne pulambaran

    piring bu susun-susun”

    benor ni munih disan

    ki kak ya mak lagi

    atti serta penahanni lagi

    jak pihak ni ram kuari

    raiya ki injukni

    Kattu ya lagi luah

    ngasi pai da ya tipenah

    Kattu ya lagi duwai

    ngasih pai da ya tikitai

    kattu ya lagi manjau

    ngasih pai da ya ti urau

    benor ni munih ki ya sitatti mawat lagi

    si tenan radu disan

    radu pista kippak mani lestari

    kak unyin ni mulang di saya dija

    nabik haga butappa

    kippak laju bukusur

    alim mu ba ni di adik disan pai da ya

    Adik

    duli da ya di adik disan pai da ya

    haga rang tuppak ni tangguh

    isi kedalih ratti

    jama ni ram muari seunyinni

    kattu ya mak nyalah

    mak nyapang cempalani

    hati ram muari sai dija

    haga pai da ya sikam roppok pandai di rupane

    anak ruyangni ram roppok sinna

    nyaman kattu alan dia

    kak natti putungga di ranglaya

    mawat kung pandai da nginong ya

    Among

    rajjo pai da ya pik ne

    ajo among

    sikam dikayun kepala battu

    terus laju di baya ni

    ngattak kon mi gulai

    serta babuwak buhahama

    ngelawan ram muari si wat dija

    tandane guai ram so togok di rani sinji

    harap haga kilu terima

    jamma ni ram muari sai dija

    raiya kinjuk tamong pai daya

    rang tuppakni cawa

  2. rully stiwan said

    mantap…maka muncullah para seniman-seniman baru disekitaran lampung,,khususnya dalam dunia pubalah,,🙂
    nice posting

  3. putrimanja said

    helau puuuuuuuu……….

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: